Қазақстан мұсылмандары діни басқармасы Төрағасы, Бас мүфти Наурызбай қажы Тағанұлының Бағдарлық баяндамасы аясында Шымкент қаласында «Уағыз айтудың әдебі» атты танымдық семинар өтті.

Семинарды ҚМДБ Уағыз-насихат бөлімінің меңгерушісі Батыржан Мансуров жүргізіп, арнайы дәріс оқыды. Ол уағыз айтудың әдебі, насихат жүргізудегі жауапкершілік және дін қызметкерінің қоғам алдындағы міндеті туралы ой бөлісіп, тәжірибесімен бөлісті.

Іс-шараға мешіт имамдары мен әйел ұстаздар қатысып, уағыз-насихат жұмысына қатысты өздерін толғандырған сауалдарын қойып, тұшымды жауаптар алды.

Жиын соңында Шымкент қаласының бас имамы Бақдәулет Нұрматұлы арнайы келген ұстазға алғыс айтып, ризашылығын білдірді.