Қазақстан мұсылмандары діни басқармасы Уағыз-насихат бөлімінің меңгерушісі, РАНТ мүшесі Батыржан Мансұров Шығыс Қазақстан облысына арнайы барды. 

Сапар аясында РАНТ мүшесі Өскемен қалалық «Әл-Фараби» мешітінде өңір имамдарына арналған «Уағыз айту әдебі» тақырыбында семинар өткізді. Сонымен қатар қалалық «Орталық мешітінде» жамағатқа Ихсан туралы насихат айтты.

Бұдан бөлек, Батыржан Мансұров «Халифа Алтай» мешітінде жұма уағызын айтты. Кейін «Халифа Алтай» студиясының подкаст жобасына қатысып, көрермендер мен тыңдармандарға маңызды тақырыптар бойынша сұхбат ұсынды.