Астанадағы «Әзірет Сұлтан» мешітінде Шариғат және пәтуа бөлімінің қала бойынша жауапты маманы Жолдас Қоспақұлы мешіттердегі пәтуа мамандарына ҚМДБ жариялаған бірқатар шариғи үкімді таныстырды. 

Пәтуалар цифрлық технология, отбасы және мүлік қатынасы секілді бүгінгі қоғамда жиі қойылатын сауалдарды қамтиды. Жолдас Қоспақұлы әр үкімнің мазмұнын түсіндіріп, жамағат сұрағына Діни басқарманың ресми шешімдеріне сүйеніп жауап беру қажет екенін еске салды.

Сондай-ақ маман әр мешіттегі пәтуа қызметі жүйелі әрі уақытылы атқарылуы керегін шегелеп айтты. Соңында қатысушылар алдағы жоспарларды ақылдасып, келесі кезеңнің міндеттерін пысықтады.