Маңғыстау облысы бойынша «Жастар ісі» секторының ұйымдастыруымен мешіт жамағаттары арасында сапбордтан (SUP-борд) облыстық спорттық сайыс өтті.

Іс-шараның мақсаты – жамағат арасындағы ынтымақтастық пен ауызбіршілікті нығайту, салауатты өмір салтын насихаттау және жастарды спортқа баулу.

Жарыс барысында қатысушылар сапбордта тепе-теңдікті сақтап, ептілік пен шеберліктерін көрсетті. Спорттық бәсекемен қатар, қатысушылар өзара пікір алмасып, достық қарым-қатынастарын нығайтты.

Сайыс қорытындысы бойынша:
І орын – Яков Илхом;
ІІ орын – Айтумұханбетов Ерсұлтан;
ІІІ орын – Бектасов Бекзат.

Жеңімпаздар арнайы марапатталып, үздік нәтиже көрсеткен қатысушыларға алғыс білдірілді.

Мұндай бастамалар жастардың бос уақытын тиімді өткізуіне ықпал етіп, жамағат арасындағы бірлік пен өзара сыйластықты арттыруға мүмкіндік береді.