Алматы қаласы имамдарына ҚМДБ Цифрлық даму бөлімінің меңгерушісі Тимур Серікханұлы «Цифрлық технологиялар мен жасанды интеллект платформаларын қолдану» тақырыбында семинар өткізді.

Бас мүфти Наурызбай қажы Тағанұлының бағдарламалық баяндамасында бекітілген жылдық жоспар аясында ұйымдастырылған іс-шараға Алматы қаласының бас имамы Төлеби Оспан және қаладағы барлық имам-ұстаздар қатысты.

Семинар барысында Тимур Орынханов Мемлекет басшысы Қасым-Жомарт Тоқаевтың жасанды интеллектіні дамыту мәселелері жөніндегі кеңесте алдағы жылдары Қазақстанды цифрлық мемлекетке айналдыру қажеттігін ерекше атап өткенін жеткізді.

Осы орайда ҚМДБ тарапынан цифрландыру бағытында бірқатар жүйелі әрі ауқымды жобалар жүзеге асырылып жатқаны айтылды. Бұл бастамалар дін қызметкерлерінің жұмысын жеңілдетуге, халыққа көрсетілетін қызмет сапасын арттыруға және діни ақпараттың қолжетімділігін қамтамасыз етуге оң ықпал етуде.

Сонымен қатар семинарда жасанды интеллект мүмкіндіктерін діни салада шариғат талаптарына сай тиімді әрі жүйелі қолдану жолдары кеңінен түсіндірілді.

Жиын соңында дін қызметкерлері заманауи технологиялар мен білім дәуірінде белсенді болып, уақыт талабына сай қызмет етуге шақырылды.