Бүгін Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы жұмыс сапарымен Ұлытау облысына келді. Сапар аясында Бас мүфти Ұлытау облысының әкімі Есет Берікұлымен кездесті.

Кездесу барысында өңірдегі діни ахуал, қоғамдық келісімді нығайту, дәстүрлі құндылықтарды дәріптеу, сондай-ақ дін қызметкерлерінің біліктілігін арттыру мәселелері талқыланды. Сонымен қатар жастар арасында рухани-адамгершілік тәрбиені күшейту бағытындағы бірлескен жұмыстарға назар аударылды.