Қарағанды облысы Шет ауданының Ақсу-Аюлы ауылында үш баланы жалғыз тәрбиелеп отырған анаға баспана кілті табысталды.

Бұл – Қазақстан мұсылмандары діни басқармасының «Зекет және қайырымдылық» қоры жүзеге асырып келе жатқан «Ел үлесі – пәтерге» қайырымдылық жобасы аясында берілген 919-шы баспана.

Қайырымдылық шарасында жаңа қоныс иелеріне ізгі тілектер айтылып, отбасының қуанышына ортақтасқан азаматтар баспананың құтты болуын тіледі. Сондай-ақ игі бастаманың жүзеге асуына үлес қосқан қайырымды жандарға алғыс білдірілді.

«Ел үлесі – пәтерге» жобасы әлеуметтік қолдауға мұқтаж отбасыларды тұрғын үймен қамтамасыз етуге бағытталған. Жоба аясында еліміздің өңірінде қайырымдылық шаралары ұйымдастырылып, бүгінге дейін 919 отбасы баспаналы болды.