ҚМДБ Республикалық ақпараттық-насихат тобының (РАНТ) мүшесі Ералы Сапарбайұлы Есенгелдиев Жезқазған және Сәтбаев қалаларындағы мешіттерде жамағатпен кездесіп, уағыз-насихат жүргізді.

Кездесулер барысында діннің адам өміріндегі маңызы, мұсылманның көркем мінезі, имандылық пен ізгілік, отбасы құндылықтары, қоғамдағы бірлік пен татулық мәселелері кеңінен сөз болды.

Ералы Сапарбайұлы жамағатты Алла Тағаланың бұйрықтарын орындауға, уақытты тиімді пайдалануға, білім алуға және көркем мінезді болуға үндеді.

Уағыз соңында жамағат көкейіндегі сауалдарын қойып, дін мәселелері бойынша тұшымды жауаптар алды.