Ақтөбеде Ойыл ауданының бас имамы Бақжарық Қызыр ҚМДБ-ның «Жат діни ағымдардан сақтандыру» бағыты аясында Ойыл кәсіптік колледжінің студенттеріне «Жат ағым жарға жығады» тақырыбында семинар өткізді. 

Мақсат - жас ұрпақтың діни сауаттылығын арттыру, қоғамдағы тұрақтылық пен бірлікті нығайту.

Кездесу барысында жастарға жат діни ағымдардың қоғамға және жеке адам өміріне тигізетін кері әсері түсіндірілді. Сондай-ақ дін атын жамылған теріс ағымдардың арбауына түспеудің жолдары, діни ақпаратты сенімді дереккөздерден алудың маңызы және дәстүрлі діни құндылықтарды ұстанудың қажеттілігі айтылды.