Жамбыл облыстық «Һибатулла Тарази» мешітінде ҚМДБ-ның «Ислам және адал қоғам» жылы аясында «Концептуалды құжаттарды» түсіндіруге арналған семинар өтті. Шараға облыстың Бас имамы Асқар Зәкіржанұлы бастаған қала, аудан имамдары қатысты.

Семинарға арнайы келген ҚМДБ бөлім меңгерушілері Асан Тілеубердиев, Батыржан Мансұров, Нұрбек Есмағанбет, Медет Құрсақов баяндама жасап, құжаттардың мазмұнын жан-жақты түсіндірді.

Жиында дін қызметкерлерінің қоғамдағы рөлі, діни тұрақтылық, дәстүр мен дін сабақтастығы және ҚМДБ-ның стратегиялық бағыттары талқыланды. Қатысушылар пікір алмасып, тәжірибе бөлісті.

Аталған басқосу дін мамандарының біліктілігін арттырып, салада бірізділік қалыптастыруға бағытталған маңызды қадам ретінде бағаланды.