Шағбан айының құрметіне орай Қазақстан мұсылмандары діни басқармасының Ұлытау облыстық өкілдігі қайырымдылық шарасын ұйымдастырып, әлеуметтік жағдайы төмен 50 отбасыға азық-түлік себеттерін таратты.

Игі іс қоғамдағы мұқтаж жандарға қолдау көрсету, мейірім мен жанашырлық құндылықтарын дәріптеу мақсатында жүзеге асырылды. Қайырымдылық көмегіне күнделікті тұрмысқа қажетті азық-түлік өнімдері енгізілді.

Мұндай сауапты амалдар мұсылманның көркем мінезін айшықтай түсетіні сөзсіз. Алла Тағала қайырымды іске атсалысқан барша жамағаттың ықыласын қабыл алып, разы болғай!