Арнайы жайылған дастархан басында екі дүние сұлтаны Мұхаммед (с.ғ.с.) пайғамбарымызға салауаттар айтылып, адамзаттың ұстазы болған ұлы тұлғаның өмірі мен өнегесі жайлы насихаттайтын мәуліт жыры оқылды. Мәуліт мерекесіне арнайы шақырылған «Нұр-Астана» Орталық мешітінің наиб имамы Төле би Оспанов пен «Әзірет Сұлтан» мешітінің наиб имамы Руслан Қамбаровтар жиылған жамағатқа уағыз айтып, рухани нәр сыйлады. Кешке қатысқан құрметті қонақтардың бірі, Түркия Елшілігінен келген Ибрахим Иылмаз осындай игі шараға шақырып, құрмет танытқаны үшін үлкен алғысын білдірді.