Республика күнін ақтөбеліктер де ерекше атап өтті. Қаладағы орталық мешітте «Ел бірлігі – ең асыл құндылық» атты рухани-танымдық шара ұйымдастырылды.

Игі шарада мешіт ұстазы Анар Қойшығұлова уағыз-насихат айтып, Отанды сүюдің, елге адал қызмет етудің және қоғамға пайдалы болудың маңызына тоқталды.

Ал шәкірттер қатысушыларға еліміздің тарихы мен бүгінгі жетістіктеріне қатысты сұрақ-жауап ұйымдастырып, олардың танымын кеңейтуге үлес қосты.

Шара соңында ел азаттығы жолында жанын қиған боздақтар мен ұлт зиялыларының рухына Құран бағышталып, дұға жасалды.