Қасиетті он екі айдың сұлтаны болған Рамазан ол мейірім айы, кешірім айы, рақым айы, қайырымдылық айы.

Осы айда мұқтаж жандарға көмек жасау, қайырымдылық жасау сауапты іс екенін баяндаған ҚМДБ-ның төрағасы Бас  мүфти Ержан қажы Малғажыұлы хазреттің талап-тілектеріне үн қосқан Бесқарағай орталық мешіті атынан қасиетті Қадір түні қарсаныңда жағдайы төмен отбасыларға көмек көрсетілді. Көп балалы ана Молдағалиева Гүлжан апайға, жалғыз басты Мажибаев Амангелді ағаға, II-ші топтағы мүгедек жалғыз басты Қайыров Марат ағаға, тұрмысы төмен Азбекова Сания апайға күнделікті тұрмыста қолданылатын азық-түлікпен көмек жасалды.

Көмек алған жандар осы шараны ұйымдастырған Бас имам Серікжан Аманұлына алғыстарын білдірді. Істеген істеріңізге Алла сауаптан жазсын деп баталарын берді.

Бесқарағай орталық мешіттің
баспасөз қызметі