«Бірлесу еңбек» мешіті

Жамбыл облысы, Жамбыл ауданы, Бірлесу еңбек ауылында орналасқан. Алғашқыда ғимарат дүкенге арналып соғылғанымен, 1993 жылы халықтың ұйғарымымен әкімнің қолдауымен мешітке айналдырылды. 2010 жылы заманауи үлгіде бой көтеріп, пайдалануға берілді.

Алла үйінің ұзындығы: 14,40 м, ені: 9,60 м, биіктігі: 4,75 метр. 150 адамға арналған. Ауласы темір қоршаумен қоршалып, көгалдандырылған. Залға Түркиядан әкелінген кілем төселген. Төбесіне аспалы шам ілінген.