«Жанғара бүркiт» мешiтi

 Талас ауданы Қараой аулында бой көтерген. 2009 жылы осы ауылдың азаматтары Әзiмхан Нұраханов, Талғат Кәрiбозов салдырған. 100 адамға арналған. Жерінің жалпы аумағы 89,8, ғимараттың көлемi 102 шаршы метр. 2 бөлмеден тұрады. Намаз бөлмесі 65, имам бөлмесi 20 шаршы метр. Іргетасы цемент, қабырғасы қызыл кiрпiштен қаланып, төбесi бетон плиталармен жабылған. Биiктiгi 4 метр. Күмбезi дәлiзiнiң төбесiнде. Биiктiгi 2,7 метр. Пластиктен жасалған 6 терезе мен 3 есiк орнатылған. Үлкен күмбездiң екi жағында шағын күмбезi бар, биiктiгi 2,7 метр.