«Тәтті» мешіті

 Меркі ауылынан солтүстікке қарай 45 шақырым жердегі, Тәтті  ауылында орналасқан. Оны осы ауылда туып өскен азамат Бейсенбек Көкебаев 2003 жылы өз қаражатына салдырған. 80 адамға арналған. 3 бөлмеден тұрады. Намаз оқитын үлкен залының ені 6, ұзындығы 8 метр, әйелдердің намаз бөлмесінің ені 3, ұзындығы 6 метр, дәліздің ені 1,5, ұзындығы 2 метр. Іргетасы бетоннан құйылып, қабырғалары күйдірілген кірпішпен қаланған, шатыры тегіс бетон плиталармен жабылған, едені цемент, 3 есігі мен 8 терезесі ағаштан жасалған. Есік аузы шығысқа қаратылған. Ғимараттың биіктігі 4 метр. Кіреберіс есігінің үстінен  жерден 18 метр биіктікте мұнара тұрғызылған. Күмбезсіз. Қақпасы мешіттің шығыс жағына орнатылған.