«Шақпақ ата» мешіті

 Шақпақ ата ауылында орналасқан. Оны 2008 жылы осы ауылда туып-өскен Асылхан Балтабаев өз қаражатына салдырған. 150 адамға арналған. Ауласы 1200 шаршы метр. Ғимарат ауданы 144, 8 шаршы метр. Намаз оқитын үлкен залының ауданы 67,55 шаршы метр, әйелдерге арналған залы 17,71, киім шешетін бөлмесі 2, 58, жуынатын бөлмесі 2,95, имам бөлмесі 11,99, дәліз 7,95 шаршы метр. Ғимараттың іргетасы бетоннан құйылып, шатыры қаңылтырмен жабылған, қабырғасы кірпішпен қаланған. Есік-терезелері ағаштан жасалған. Қабырғасының биіктігі 4, кіреберістегі 2 мұнараның биіктігі 8, күмбезінің биіктігі 7 метр.