«Толымбай тегі Зиябек» мешіті

Жуалы ауданы Бауыржан Момышұлы ауылында бой көтерген. Оны осы ауылда туып-өскен Зиябек Толымбайтегінің ұрпақтары өз қаражаттарына 2004 жылы салдырған. 320 адамға арналған. Жерінің жалпы ауданы 6800, ғимараттың аумағы 528 шаршы метр. Намаз  залының ауданы 127, әйелдер намаз оқитын бөлменің ауданы 14,76, дәлізі 31,8 шаршы метр. Қабырғасы күйдірілген кірпіштен қаланған, артқы екі қапталы мрамор плиталармен қапталған. Қабырғасының биіктігі 6 метр. Сол жағында биіктігі 14 метрлік мұнара тұрғызылған. Төбесіндегі күмбездің биіктігі 14 метр. 18 терезе мен 10 есік қондырылған. Жанына екі бөлмелі шағын, балаларға Құран үйрететін дәрісхана салынған.