«Тоқта бибі» мешіті

Тараз қаласының Құлжабай көшесінде орналасқан. Ғимараттың іргетасы 1997 жылы қаланған. 2002 жылы ескі ғимарат орнына Еркін Құлжабаев есімді азамат өз қаржысына жаңадан салдырған. 120 адамға арналған. Жерінің аумағы 2,5 га. Үлкен залы және аяқ киім шешетін шағын бөлмесі бар. Залының аумағы 9,30х6,9 метр. Төрт терезесі мен екі есігі ағаштан жасалған. Кіріберісінің оң жағы және сол жағына үзындығы 8 метрлік мұнара тұрғызылған. Қабырғасы күйдірілген кірпіштен қаланып, шатыры қаңылтырмен жабылған, төбесіне 5 метрлік күмбез орнатылған. Аула темір шарбақпен қоршалған.