Республика күні қарсаңында Атырау қаласындағы Иманғали орталық мешітінде Құран хатым оқылып, жамағатқа арналған рухани дастархан жайылды. 

Шараға қатысқан Атырау облысының бас имамы Болатбек Ұласқанұлы жамағатты мерекемен құттықтап, ел бірлігі мен тәуелсіздіктің қадір-қасиеті туралы сөз қозғады.

Жиын барысында мешіт ақсақалдары ақ баталарын беріп, елдің амандығы мен жұрттың тыныштығын тіледі. Ал имам-ұстаздар жамағатқа тағылымды насихат айтып, бірлік, бауырмалдық, отансүйгіштік және рухани құндылықтарды сақтау жөнінде ой өрбітті.