Өскемендегі облыстық Достық үйінде Құдайы ас беру әдебіне қатысты рухани жиын өтті. Бұл шара Қазақстан мұсылмандары діни басқармасының бастамасымен қолға алынған. 

Басқосуда ҚМДБ Төрағасы, Бас мүфти Наурызбай қажы Тағанұлының республикалық «Иман» журналына жарияланған Құдайы ас беруде ысырапшылдыққа жол бермеу жөніндегі үндеуі негізге алынды.

Облыстың Бас имамы Думан Нәдірұлы ас беру мен жаназа рәсімдеріндегі қарапайымдылық, ас мәзірін реттеу және осы бағытта түсіндіру жұмыстарын жүргізу мәселелеріне тоқталды.