Павлодар қаласындағы «Мәшһүр Жүсіп» мешітінде «Той – тәрбие мен тағылымның ордасы» тақырыбында тағылымды кездесу өтті. 

Шараға облыстың бас имамы Жұманазар Өсерханұлы, «Мәшһүр Жүсіп» мешітінің имамдары және қалалық мешіттердің жастар ісіне жауапты дін қызметкерлері, «Аталар мектебі» ұйымының мүшелері, жамағат өкілдері, өңірге танымал той жүргізуші-асабалар және зиялы қауым өкілдері қатысты.

Кездеу аясында қазақ халқының той өткізу дәстүрі, ұлттық құндылықтар мен ислам дініндегі әдеп мәселелері көтерілді. Тойдың мақтан мен атақ шығарудың бәсекенің емес, береке мен бірліктің, тәлім мен тәрбиенің ордасы болуы керектігі айтылды.