Конференцияда «Ислам дінінің төл тарихымыздағы рөлі» деген тақырыпта баяндамалар жасалды. 

Мәдениеттер мен діндердің халықаралық орталығының директоры, философия ғылымының докторы, профессор Айдар Абуов «А.Қ. Ясауи және бүгінгі қоғамдағы ислам мәдениетінің дамуы», Нұр-Мүбарак университетінің проректоры Шәмшидин Керім «Түркістаннан шыққан ғұлама Қауам ад-Дин әл Итқанидің ғылыми мұрасы», филология ғылымдарының кандидаты, доцент Қыдыр Төреəлі «Фиқһ және сөз өнері: Шариғат шарттарының қазақ даласында таралу ерекшелігі» деген тарыптарда келелі ойлары мен пікірлерін жеткізді.

Аталған ғалымдар діни саладағы жұмыстарды жетілдіру жайлы ұсыныстарын да айтып өтті.