Қазақстан мұсылмандары дiни басқармасының төрағасы, Бас мүфти Ержан қажы Малғажыұлының тапсырмасымен «Халал өнiмдерін стандарттау» бөлiмi ашылып, осы уақытқа дейін біраз қажетті жұмыстармен айналысты. Діни басқарманың бақылауында жұмыс жасап жатқан 50-ге тарта кәсіпорындар "Халал" Сертификатына ие болған.

Қазіргі қоғамда жамағаттың діни сауаттылығы артты. Бұның бір белгісі – халық жеп жатқан астарына аса көңіл бөлуде. Бұл туралы «Асыл арна» телеарнасы «Арнайы репортаж» бағдарламасында Қазақстан мұсылмандары дiни басқармасы халал өнiмдерін стандарттау бөлiмiнiң меңгерушiсi, «Халал Даму» ЖШС-ның директоры Бейбiт Мырзагелдиев айтты.