Ақтөбе қалалық орталық мешітінде ұстаз Анар Қойшығұлованың ұйымдастыруымен «Мұсылманның білуі тиіс 40 парыз» кітабы аясында фиқһ пәнінен емтихан өтті. 

Шараның мақсаты шәкірттердің діни білімін саралап, күнделікті құлшылыққа қажетті ғылымхал білімін бекіту.

Емтихан барысында 40 шәкірт «Тазалық» және «Намаз» тақырыптары бойынша жазбаша тест тапсырмаларын орындап, ауызша сұрақтарға жауап берді.

Айта кетейік, Ақтөбе облысы өкілдігінде фиқһ, Құран тәжуиді және тәпсір пәндері бойынша дәрістер тұрақты түрде өткізіліп келеді.