Шымкент қаласы Абай ауданында той мәдениетіне қатысты кеңейтілген семинар ұйымдастырылды. Іс-шара Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының Бағдарлық баяндамасы аясында жүзеге асып отыр.

Семинарға шаһар бас имамы Бақдәулет Нұрматұлы, наиб имам Ахметжан Керімбек, ардагер имам Дәуренбек Тасқараев , аудан бас имамы Мұхамеджан Естеміров т.б мешіт имамдары мен сала жетекшілері қатысты.

Басқосу аясында имамдар ас беру мәдениеті мен той мәдениетіне байланысты арнайы баяндама жасады. Сондай-ақ, ҚМДБ-ның ас беру мәдениеті құжатын жан-жақты насихаттау мәселелері талқыланды.