Ақтөбеде қала, аудан және ауыл мешіттерінің имамдары мен дін мамандарының қатысуымен әдістемелік семинар ұйымдастырылды. Мақсат - діни саладағы тұрақтылықты қамтамасыз ету, жастарды жат ағымдардың ықпалынан қорғау және имамдардың ақпараттық-түсіндіру топтарындағы әлеуетін арттыру. 

Семинар барысында бүгінгі таңдағы діни ахуал, ғаламтор мен әлеуметтік желілердегі жат ағымдардың арбау әдістері және халық арасында ағартушылық жұмыстарды тиімді жүргізудің жаңа тәсілдері жан-жақты талқыланды.

Ал шара соңында қатысушыларға ақпараттық-түсіндіру жұмыстарын ширату және әлеуметтік желілерде сауатты діни контент қалыптастыру бойынша нақты әдістемелік ұсынымдар берілді.