Шығыс Қазақстан облыстық «Халифа Алтай» мешітінде Құран Кәрімді жатқа және мәнерлеп оқудан XIII республикалық байқаудың аймақтық іріктеу сайысы өтті.

Шараға өңірге қарасты аудан, қалалардан 20-дан астам үміткер қатысып, Құранды нақышпен оқыды. Сайысқа өңірдің білікті қари және ұстаздарымен имамдары қазылық жасады. Іріктеу бәсекесіне қатысушылар 10 пара, 20 пара, 30 парадан және мәнерлеп оқудан сынға түсті. Қатысушылар қасиетті Құранда бар әуезімен ережеге сай оқып, өздерінің осы сайысқа аса тыңғылықты дайындалғандықтарын көрсетті.

Сайысты қорытып сөз сөйлеген Шығыс Қазақстан облыстық «Халифа Алтай» мешітінің ұстазы Бекзат Құсанбаев: «Іріктеу сайысы Құран оқудың шеберлерін анықтаған жоғарғы деңгейлі бәсеке болды. Сайысқа жас шәкірттеріміз ынталы қатысты. Дініміздің алтын діңгегі-қасиетті Құранды құрметтеп, бар ынта-жігерін сайысқа арнаған шәкірттерімізге алғы сбілдіреміз» деді.

 Сайыстан озып шыққан жеңімпаздарға ҚМДБ ШҚО өкілдігі атынан Павлодар қаласында өтетін Республикалық сайысқа қатысуға сертификат беріліп, сыйлықтарға ие болды.

Іріктеу сайысында үздік шыққан үміткерлерге алғысын білдірген қазылар алқасы оларға алда болатын Республикалық сайысқа сәттілік тіледі.