Қазақстан мұсылмандары діни басқармасының «Өткенге құрмет – тіріге міндет» бастамасына орай «Qamqor-Sharapat» салттық қызмет көрсету орталығының жергілікті филиалы Алматы облысына қарасты зираттарда тазалық жұмыстарын ұйымдастырды.

Алматы облысының бас имамы Мадияр қажы Тағайбайұлының жетекшілік етуімен Қонаев қаласы мен Балқаш, Еңбекшіқазақ, Жамбыл, Кеген, Қарасай, Райымбек, Талғар, Ұйғыр және Іле аудандарына қарасты мешіттердің имамдары мен жамағаты елді мекендердің маңындағы зираттарды қоқыстан тазартып, марқұмдардың рухына Құран бағыштады.