Таң

Күн

Бесін

Екінті

Ақшам

Құптан

Қонаевта Аналар кеңесінің дөңгелек үстелі өтті

Алматы облысы өкілдігінің баспасөз қызметі hilal.kz 25.05.2023 839 0 пікір
Қонаевта Аналар кеңесінің дөңгелек үстелі өтті

«Ислам және ізгі қоғам» жылы аясында Алматы облыстық орталық «Қапшағай» мешітінде «Әжелер мектебі – ұлт тәрбиесінің негізі» тақырыбында дөңгелек үстел ұйымдастырылды.

Алқалы жиынға Алматы облысының бас имамы Мадияр Тағайбайұлы, Қонаев қалалық Аналар кеңесінің төрайымы Дәметкен Таласбекқызы, Аналар кеңесінің төрайымының орынбасары және Семей полигонынан зардап шеккендер ұйымының жетекшісінің көмекшісі Назым Сабазқызы, Қарасай ауданының ұстазы Мінәйім Арынқызы, Қарасай және Іле аудандарының аналары қатысты.

Жиын барысында қоғамдағы қыз балаларымыздың тәрбиесі, жас отбасыларға кеңес беру және жанұялардың ажырасуының алдын алу бойынша семинарларды өткізу мәселелері көтеріліп, бірқатар ұсыныс пікірлер айтылды.

Шара соңында облыс бас имамы аталмыш дөңгелек үстелді ұйымдастырған ізгі қоғам бағытына жауапты Дархан Аманұлына және өңіріміздегі Әйел-қыздар секторының жетекшісі Назерке Әкішқызына алғыс білдірді.

 

Пікірлер (0)

Тіркелген қолданушылар ғана пікір қалдыра алады. Сайтқа кіру