«Үшқоңыр» медресе-колледжі қасиетті Мәуліт айының құрметіне рухани іс-шара ұйымдастырды.

Еліміздің барлық өңірінде Пайғамбарымыздың (оған Алланың салауаты мен сәлемі болсын) мәуліт мерекесі жоғары деңгейде аталып өтілуде. «Үшқоңыр» медресе-колледжінің ұстаздары мен шәкірттері де Пайғамбарымызға  (оған Алланың салауаты мен сәлемі болсын) салауаттар жолдап, мұсылман әлеміне  тыныштық тілеп,  Алла елшісінің сүннет деген сара жолы мен өнегелі өсиеттерінен сыр шертті. Сондай-ақ арнайы мерекелік дастарқан жайылып, өнерлі жігіттер рухани діни өлең-жырларын оқып, тәрбиесі мол, тағылымы терең көріністер қойды. 

Рухани шара кезінде «Үшқоңыр» медресе-колледжінің  директоры Абзал Амиров Мәуліт айымен құттықтаса, ұстаз Бекболат Бердімұмрат Мәуліт күні, Мәуліт айының қадір-қасиеті мен шығу тарихы жайлы насихат айтты. Мысырлық ұстаз Абду-Заһир Али Сайд ілімнің артықшылығы мен ауызбіршіліктің маңызы жайлы сөз қозғады.