Жамбыл облысының Қордай ауданында азан айтудан жарыс өтті.

Аудандық деңгейде ұйымдастырылған жарысқа Қордай ауданының бас имамы Асқар Зәкіржанұлы, орталық мешіттің ұстазы Зейнуддин Жұмабайұлы, қарилар дайындау орталығының ұстазы Осман  Арсмане және мешіт ақсақалы, Ардагерлер алқасының мүшесі Нұрғали Өмірзақов қазылық етті.

Жүректерді шымырлатып азан айтқан жастардың арасынан бас жүлдені Амирбек Досов қанжығасына байлады. Ал 1-орынды Уомер Харки иеленсе, 2-орынды Естай Сапиев жеңіп алды. Ал 3-орын  Арман Орынбайға бұйырды. Жүзден жүйрік шыққан жүлдегерлерге қаржылай сыйлықтар табысталды. 

Қариялар азаншыларға ақ батасын беріп, дұғасын жасады. Азанның негізгі міндеті – намазға шақыру болса, құлшылығын құлшынып сол мезетте орындаған адам азанға ең биік дәрежеде жауап берген бақытты адам болмақ.