Қостанай облысы Арқалық қаласындағы Назипа Құлжанова атындағы Торғай гуманитарлық колледжінде «Иманды ұл, ибалы қыз» және медициналық колледждің жатақханасында «Дін және заң» тақырыптарында тағылымды жүздесу өтті.

Кездесу барысында Арқалық қаласының бас имамы Нұрхан Асанұлы студенттерге жалпы діни ағым хақында түсінік бере келіп, әлеуметтік желілердегі жалған ақпараттардан, қауіпті сайттардан сақтану жөнінде мағлұмат берді. Сонымен қатар қатысушыларға имани тәлім-тәрбие, әдеп-иба жайында әңгімеледі. Бас имамның әңгімесін студенттер ұйып тыңдады.

Басқосуға оқу орындарының ұстаздары мен студенттері қатысып, көкейде жүрген сұрақтарына жауап алды. Колледж ұжымдары Нұрхан Асанұлына басқосуға келіп, ғибратты әңгіме өрбіткені үшін ризашылық білдірді.