Таң

Күн

Бесін

Екінті

Ақшам

Құптан

ШҚО: Рамазанға әзірлік пысықталды

Шығыс Қазақстан облыстық «Халифа Алтай» мешітінің баспасөз қызметі furqan.kz 06.04.2021 2585 0 пікір
ШҚО: Рамазанға әзірлік пысықталды

Шығыс Қазақстан облыстық «Халифа Алтай» мешітінде ҚМДБ-ның Өскемен аймағына қарасты қала, аудан имамдарының кезекті жиналысы өтті.

Жиынды ашып, сөз сөйлеген Өскемен аймағының бас имамы Ермек Қасболатұлы алдағы қасиетті Рамазан айына жоспарланған тапсырмаларды таныстырды.
Бас имам: «Алдымызды қасиетті Рамазан айы тұр. Біз бұл айды тыңғылықты әзірлікпен, жоба-жоспармен бастауымыз маңызды. Кіші Төралқа мәжілісінде ҚМДБ-ның төрағасы, Бас мүфтидің берген нақты тапсырмаларын нәтижелі орындауымыз керек» дей келе Рамазан айына орай берілген тапсырмаларды жоғары дәрежеде өткізу керектігін атап өтті.

Ермек Қасболатұлы қасиетті Рамазанды қайырымдылық, мейірім айы ретінде атап өтуді, сонымен қатар карантин талаптарын қатаң сақтау қажеттігігіне тоқталды. Сондай-ақ, Ермек Қасболатұлы аудан, қала имамдарына қасиетті айда сауапты істерді жүйелі ұйымдастыру, халықты бірлікке ұйытуда бастамашылдықпен жұмыс істеуді, індеттен арылуды тілеп дұға жасау жөнінде тілге тиек етті.

Жиында әрбір бөлімнің басшылары жасалып жатқан шаралар бойынша баяндама жасады. Басқосуда сонымен қатар өткен айлардағы өңір бойынша атқарылған шараларды қорытындылап, алдағы міндеттер талқыланды. Жиналыста Рамазан айына дайындық мәселесі жан-жақты пысықталды. Барлық аудан имамдарына ҚМДБ-ның концептуалды құжаттарының топтамасы таратылды.

Пікірлер (0)

Тіркелген қолданушылар ғана пікір қалдыра алады. Сайтқа кіру