Батыс Қазақстан облысының орталық мешіті мен «Зекет» қорының өңірдегі өкілі Самат Әлібаевтың бастамасымен «Жақсылық жасап жарысайық» атты қайырымдылық шарасы өтті.

Іс-шара барысында Самат Әлібаев көпбалалы, мүмкіндігі шектеулі мұқтаж жандардың үйлерін аралап, тұрмыс жағдайын біліп, 30 отбасының балаларына сыйлықтар табыстады.

Сондай-ақ шара барысында облыстық орталық мешіттің наиб имамы қайырымдылықтың сауабы мол іс екенін айтып, осы шараға зекетін аударып, қаржылай қолдау көрсеткен кәсіпкер азаматтарға ризашылық білдірді.