Таң

Күн

Бесін

Екінті

Ақшам

Құптан

Магистрант пен докторанттардың шәкіртақысы 25 пайызға өседі

https://www.inform.kz/ 10.12.2019 686 0 пікір
Магистрант пен докторанттардың шәкіртақысы 25 пайызға өседі

2020 жылдың қаңтарынан бакалавриат, магистратура және докторантура студенттерінің шәкіртақысын 25 пайызға көтеріледі. Бұл туралы бүгін Жастар жылының жабылу және Волонтер жылының ашылу салтанатында Мемлекет басшысы Қасым-Жомарт Тоқаев айтты.

«Өзекті мәселелердің бірі жоғары оқу орындары студенттердің шәкіртақысын көтеру екендігін жақсы білемін. Бұл мәселе назардан тыс қалып, шәкіртақы 2016 жылдан көтерілген жоқ. Бірақ, оның объективті себептері болды. Сондықтан студенттерді қолдау үшін мен 2020 жылдың 1 қаңтарынан бакалавриат, магистратура және докторантура студенттерінің шәкіртақысын 25 пайызға көтеру туралы шешім қабылдадым. Толықтай алғанда бұл шамамен 130 мың адамға қатысты болады» деді Мемлекет басшысы.

Қазақстан Президенті дәл осындай қолдау колледж студенттеріне де көрсетілетіндігін айтты.

«Естеріңізде болса, осы жылдың қыркүйегінен жұмыс мамандығын алып жатқан 122 мың шәкірттің шәкіртақысы 30 пайызға артты. Менің тапсырмам бойынша, Үкімет 2020 жылдың қаңтарынан орта арнаулы білім алатын колледж студенттерінің шәкіртақысын 25 пайызға арттырады. Бұл тағы да 100 мың адамға қатысты. Бұл шаралар студенттерімізге жақсы қолдау боларына сенемін» деді Қ.Тоқаев.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі