Бүгін елорда төрінде Ақпарат және қоғамдық даму министрлігі, Дін істері комитетінің тапсырысымен «Royal Park Hotel & SPA» қонақүйінде (Қобыз сарайы) астаналық және облыстардағы бұқаралық ақпарат құралдары өкілдерінің, сарапшылар мен дінтанушылардың қатысуымен «Дін саласындағы мәселелерді жариялау бойынша журналистерге арналған тренинг» басталды.

Тренинг мақсаты – БАҚ-тағы діни тақырыпты және дін саласындағы мемлекеттік саясатты іске асыру бойынша журналистердің кәсіби біліктілігін арттыру және шеберлігін шыңдау. Іс-шара барысында, БАҚ арқылы тұрғындарға дұрыс әрі шынайы ақпарат жеткізудің тәсілдері мен әдістерін қарастыру, экстремизм және терроризмнің алдын алу мәселелерін ашу бойынша мемлекеттік органдар мен БАҚ-тың өзара ынтымақтастығын арттыру мәселелері қозғалады.

Семинар тренинг соңында қатысушыларға арнайы сертификат табыс етіліп, биыл дін тақырыбында бұқаралық ақпарат құралдарында белсенді материал жариялаған журналистер марапатталатын болады.