Қасиетті жұма күні ақтөбелік жамағатқа «Нұр Ғасыр» облыстық орталық мешітінің найб имамы Досаналиев Мұрат «Жетім көрсең жебей жүр» тақырыбында жұма уағызын жүргізіп, қоғамымыздағы ата-анасыз тәрбиеленіп жатқан жетім-жесірдің басын сипап, қамқорлықтарына алу өзін мұсылман санайтын әрбір адамның міндеті екенін айтып өтті.

Өкіл имам Т.Оспан Астана қаласынан Ақтөбе жеріне ақпараттық-насихат жұмыстарын жүргізуге келген топ мүшелеріне және олардың бір ай уақыт көлемінде атқарып келген жұмыстары үшін халықтың атынан алғысын айтып, ризашылығын білдірді.

«Нұр Ғасыр» мешітінде өткен жұма намазына ҚМДБ-ның шариғат және пәтуа бөлімінің меңгерушісі Шейх Мухаммед Хусейн де қатысты.

«Нұр Ғасыр» облыстық орталық

мешітінің баспасөз қызметі