Маңғыстау облыстық орталық мешітінде қайырымдылық шарасы ұйымдастырылды. Əлеуметтік жағынан аз қамтылған жанұялардың мектеп жасындағы балаларына қыстық сырт киімдер мен аяқ киімдер берілді. Облыс имамы Смайыл Сейтбековтің айтуынша, бұл қамқорлық - демеушілердің көмегімен іске асып отыр.

«Дін жолында жүрген намазхан бауырларымыз өздерінің жақсылық жасау ниеттерін айтып өтінішпен келген соң , мешіттің мұқтаж жандар тізімінде тұрған жанұялардан 20 баланы киіндіруді ұсындық. Осылайша қыс мезгілінде киетін жылы киімдер алып, балаларға табыстадық», -дейді С.Сейтбеков.

Маңғыстау облыстық орталық мешітінің баспасөз қызметі