Қасиетті жұма күні «Нұр Ғасыр» облыстық орталық мешітіне 1994 жылы туылған Татьяна есімді қала тұрғыны келіп ислам дінін қабылдауға ниеті бар екенін жеткізді.

Ол кісіге алдымен Ислам дінінің мән-маңызына тоқталған мешіттің найб имамы Асылхан Нұртайұлы әлемді бейбітшілікке, мейірімділікке үндейтін ислам - Алланың ақиқат жолы екенін түсіндірді және исламға бет бұрған кез-келген жан хақ жолына күшпен емес, өзінің ақыл-парасатымен, терең пайымымен түсіне қабылдайтындығын тарихи деректермен айтып жеткізді.

Мұнан кейін Татьяна өзінің ерік-қалауымен мұсылманшылыққа бет бұруға әзір екенін білдіріп, исламның алғы шарты болған кәлимаға тілін келтірді. Мешіт атынан оған бірнеше діни әдебиеттер табысталып, бата жасалды.

«Нұр Ғасыр» облыстық орталық

мешітінің баспасөз қызметі