Ақтөбе қаласы №21 мектептің 5-ші сынып оқушылары «Нұр Ғасыр» облыстық орталық мешітінің дәрісханасында насихат тыңдады. Мешіттің найб имамы Темірханов Асылхан оқушыларға білім алумен қоса мектеп қабырғасында үлгілі, озат болу үшін алдымен жақсы тәлім-тәрбиені беретін ата-аналарының ризашылығын алуды естен шығармауды қаперлеріне салды. Сонымен қоса, өз араларында тату-тәтті қарым қатынаста болуларын айтқан найб имам «Өскелең ұрпаққа өнегелі тәрбие беру» тақырып аясында сөз қорытты. Осындай зәулім мешітке келген оқушылар, мешітті аралап, мәз-мейрам тарқасты.

«Нұр Ғасыр» облыстық орталық

мешітінің баспасөз қызметі