Кездесу басырында бас имам шариғат бойынша білім алып жатқан мекеме шәкірттерінің хал-жағдайларымен танысып, оқу, жатын (жатақхана) ғимаратын аралады. Сондай-ақ, білім алудың артықшылығы тақырыбында дәріс оқып, Ислам дініндегі ілімнің тарихи маңызына тоқталды.

«Асыл дініміз – білім діні. Оны Алла тағала тарапынан оқуға бұйырылған ең алғашқы "Оқы!" деп басталатын аяттардың өзі-ақ көрсетеді. Түптеп келгенде, ілім – дініміздегі бес парыздың діңгегі. Өйткені, ықылас пен ниет дұрыс болмай, құлшылық қабыл болмайды. Бұл ретте білімнің алар орны бір бөлек. Адамның жан-жақты, ой-өрісі кең болып жақсы маман қалыптасуында да дүниелік білімнің алар орны ерекше», - деп оқушыларды ізденістен танбай, қажымай, жалықпай оқуға шақырды.

Шара соңында оқушылар Бас имамға көкейде жүрген сауалдарын қойып, еркін пікір алмасты.

«Иманғали» орталық

мешітінің баспасөз қызметі