Құрбан малын шалып, етін тарату – күллі мұсылман жамағаты үшін Алла тағаланың бергеніне шүкіршілік етіп, оған жақындауды ниет ететін ізгі құлшылықтардың бірі. 

Ұлық күнде құрбан малын шалған ағайындар еттерін ағайын-туыс, көрші-көлемге, тұрмысы төмен отбасыларына, жетім-жесірлерге, мүгедектер мен сырқат жандарға таратады. Осыған байланысты Орал қаласы облыстық орталық мешітінің ұйымдастыруымен "Арнау-Батыс" мүгедек қоғамдық бірлестігіне, "Көшім" балалал психоневрологиялық медициналық-әлеуметтік мекемесіне, "Бәйтерек" мүгедек балалар үйіне, "Арба" тірек-қозғалыс аппаратының қызметтің бұзылған мүгедек орталығы мекемесіне,  тұрмысы төмен отбасыларына, жетім-жесірлерге, сырқат жандарға құрбан еттері таратылды. Қайырымдылық  шарасына облысқа қарасты барлық мешіттер мен облыстық Жастар ісі бөлімі мен  «Әйелдер-қыздар» секторы бөлімінің мамандары атсалысты.

Жалпы, қорытынды есеп бойынша облыс көлемінде жағдайы төмен  450 отбасыға құрбан еттері 5- кг көлемінде таратылып, қайырымдылық жасалды.         

Осы шара қолдау көрсеткен барша мұсылман қауымның шалған құрбандықтарын Алла Тағала қабыл етсін! ҚМДБ-ның БҚО облысы бойынша өкілі, "Орал" орталық мешітінің бас имамы Руслан Тыныштықұлы қайырымдылық шараға келген қала тұрғындарына айт мейрамының мән-мағынасын айта келе қайырымдылық еттерін мұқтаж жандарға өз қолымен табыстады.

ҚМДБ-ның БҚО бойынша баспасөз қызметі