Қазақстан мұсылмандары діни басқармасының наиб мүфтиі, "Нұр Астана" мешітінің бас имамы Наурызбай қажы Тағанұлы мешіт жамағатының ауызбіршілігіне үлкен маңыз беріп, әртүрлі рухани-мәдени шаралар ұдайы ұйымдастырып келеді. 

Кешкілік мешітте жайылған ақ дастархан да осындай дәстүрлі шараның бірі болды. Наиб мүфти Наурызбай қажы Тағанұлы биылғы қажылық маусымының келуіне орай, мешіттің тұрақты жамағаты, Нұржан Сейтбаев ақсақалға сауапты сыйлық тарту етті. Иісі мұсылман баласы үшін қасиетті де қадірлі Мекке шаһарында Қағбаға қажылық ету жолдамасы абыройлы ақсақалға табысталды. 

Нұржан ақсақал өз кезегінде орталық мешіттің Бас имамы мен дін қызметкерлеріне риясыз алғысын айтып, батасын берді.

Ummet.kz