ҚМДБ Алматы қаласының Бас имамы Нұрбек қажы Есмағанбет бастаған қала имамдары мерекесіне орай, түрлі іс-шаралар ұйымдастырып, қайрымдылық көмектер көрсетілді. Шаралардың бірі Әуезов ауданы «Музаммиль» мешітінде өз жалғасын тапты. Мешітке келушілер спорттық ойын түрлерінен сынға түсіп, өз бақтарын сынады

Жас өспірімдер арасында төрт түрлі салмақтан 25кг – 31кг, 32кг – 38кг, 39кг – 45кг, 46кг – 55кг арасында  қазақша күрес жарысы өткізілді. Бұл күреске, мерекеміздің арнайы қонақтары, қазақ күресінен спорт шебері, 2015 жылғы Азия чемпионатының күміс жүлдегері, 2014 жылғы ҚМДБ Бас мүфти Ержан қажы Малғажыұлының жүлдесіне өткен қазақ күресінің күміс жүлдегері Хамитов Жангелді мен Ұлттық дәрежедегі төреші Ислямов Ринат төрешелік қылды.

Алматы Орталық мешітінің баспасөз қызметі