"Әзірет Сұлтан" мешітінің жазғы сауат ашу курсын тәмамдаған 213 бала арнайы сертификатқа ие болды.

Айта кетсек, соңғы екі-үш жыл көлемінде ҚМДБ-ның төраға орынбасары, наиб мүфти, «Әзірет Сұлтан» мешітінің Бас имамы Серікбай қажы Сатыбалдұлының бастамасымен жазғы оқу лагері ұйымдастырылып келеді. Былтырғы жылы еліміздің түкпір-түкпірінен жиналған шәкірттер саны 200-ге жуық болса, биыл 213  шәкірт арнайы сертификатқа ие болып отыр.

Олар 1-ші және 22-ші маусым аралығында, қасиетті Рамазан айында жазғы оқу лагерінде арабша хат танып, құран оқуды үйренді. Имандылық әліппесін меңгеріп, бірнеше дұғалар жаттады. Жалпы Ислам дінінен хабардар болды.