Рамазан – мүмкіндіктерге толы мейірім айы. Қасиетті ай қарсаңында Алматы қаласының Бас имамы Нұрбек қажы Есмағанбеттің бастамасымен әлеуметтік аз қамтылған отбасылар мен ардагерлерге құрмет көрсетілді.

ҚМДБ-ның жастар ісі бойынша Алматы қаласының өкілі Есім Ержан жетекшілігіндегі мешіт жастары ардагерлерді құттықтап, бір айлық азық-түлікпен қамтамасыз етті.

Қашанда мешіттерден қолдау көріп отыратын ардагерлер дін қызметкерлеріне риза болып, алғыстарын айтып, ақ баталарын берді.

Құранда Алла Тағала: «Жақсылықта жарысыңдар…» («Бақара» сүресі, 148-аят), – деп бұйырған. Қауқарсыз жандарға қол ұшын беру – мұсылманның ең жақсы сипаты. Алла баршамызға жақсы істер жасауды нәсіп етсін!

Алматы Орталық мешітінің баспасөз қызметі