«Барыңмен бөліс!» кезекті қайырымдылық шарасы

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 07:44:59

18 Сәуір 2026

1 Зулқағда 1447 Хижра

ДІНИ МЕРЕКЕЛЕР

03.05.2016

3079

0 пікір

– | A | +

Қасиетті Құран Кәрімде: «Алланың жолында не жұмсасаңдар да, Алла Тағала міндетті түрде оның орнын толтырады»(«Сәбә» сүресі, 39-аят),-дейді.Сонымен қатар Құран Кәрімде Алла Тағала: «(Ей, Мұхаммед!) Оларды тура жолға салуға сен жауапты емессің. Алла қалаған пендесін өзі тура жолға салады.Қайыр – садақа ретінде не берсеңдер де өздерің үшін (жақсы болады). Не берсеңдер де, тек Алланың разылығы үшін берулерің керек. Ізгілік жолында не жұмсасаңдар да, соның бәрі өздеріңе толық қайтарылады және сендер әділетсіздіккке ұшырамайсыңдар (яғни, сауаптарыңды толық аласыңдар)»,-деген.

Пайғамбарымыз Мұхаммедтің (Оған Алланың игілігі мен сәлемі болсын): «Жақсылық жасаңдар, қайырымды болыңдар!» – деген және Оның (Оған Алланың игілігі мен сәлемі болсын) бар арман-тілегі мен мақсат-мұраты адамзат атаулыдан өзіне көрсетілген қызмет емес, керісінше өзінің адамзатқа тигізер жәрдемі мен қызметі болатын.

28-сәуір күні Павлодар облысы орталық «Мәшһүр Жүсіп» мешітінің «Барыңмен бөліс!» қайырымдылық қызметі өзінің кезекті қайырымдылық іс-шарасын ұйымдастырып, арнайы тізім арқылы қалада тұратын, мұқтаж болған 30 отбасына азық-түлік және демеушілер арқылы жиналған әртүрлі киім-кешекті үлестірді.

Мына жалған өмірде қандай да бір игілікті, қайырымды істеріміздің сыйы Алла Тағаланың жәннаты екенін жадымыздан шығармай, соған амал етуге жазсын. Алла Тағала мол-мол сауапты істерге ұмтылуды баршамызға нәсіп етсін!

Амантай ТОЙШЫБАЙҰЛЫ