«Астана асары» қайырымдылық шарасын қаладағы 8 мешіт бірлесіп ұйымдастырған. Тасқыннан зардап шеккендердің жағдайына бей-жай қарай алмағандар қысқа уақыттың ішінде 2 млн 700 мың теңге жинаған. 

Бұл қаражаттың бір бөлігіне 200 жанұяға арналған азық-түлік пен тұрмыстық заттар сатып алыныпты. Қалғаны мұқтаж отбасыларға қаржылай көмек ретінде үлестірілмек. 

Ержан Малғажыұлы, ҚР ҚМДБ-ның  төрағасы, Бас мүфти:

-Мұнда тұрмысқа қажетті барлық заттар бар. Балалардың жөргектеріне дейін қарастырылды. Жалпы сомасы 3 млн теңгеге жақын. Оның 313 мың теңгесін ақшалай апара жатырмыз. Аз берсе де, көп берсе де, барлығының істеп жатқаны – Алла алдындағы үлкен сауап. 

khabar.kz